ಶಾಲೆಯಲ್ಲಿನ ಪ್ರಸಂಗ!!

Actual Song is here, listen to it and then read the below lines.

Lyrics -- 

 Audio -- 

(Though its not that great) -- Youtube

ಬೇಂದ್ರೆ ಅವರ ಹಾಡು ಕೆಡಿಸಿದಕ್ಕೆ ಕ್ಷಮೆ ಇರಲಿ!!

ಆಗ ಶಾಲೆಯ ಗಂಟೆ 

ಅಂತು ಟಾಂಟನಣ

ಗೆಜ್ಜೆ ಸದ್ದು ಕೇಳಿಸುತಲಿತ್ತು

ಝಂ ಝಣಣ ನಾನಾಣ

ನೆರೆದ ಕ್ಲಾಸು ಕನವರಿಸುತಿತ್ತು

ಹ ಮೇಡಮ್ ಬಂದ್ರು ಹ ಮೇಡಮ್ ಬಂದ್ರು!!

ಆಗ ಶಾಲೆಯ ಗಂಟೆ 

ಅಂತು ಟಾಂಟನಣ!!

ಹಲವು ಗಂಟೆಯಿಂದ, ಒಂದ

ಮೇಲೆಒಂದು ಪಾಠ

ಏಕೆ ಇಲ್ಲಿ ಬಂದೆನೆಂದು

ಕಾಡುತಿಹುದು ಎನ್ನ

ತನಗೆ ತಾನೇ ತೂಗುತಿಹುದು,

ತೇಲುತಿಹುದು, ಈ ಮನ

ಈ ಮನ

ಆಗ ಶಾಲೆಯ ಗಂಟೆ 

ಅಂತು ಟಾಂಟನಣ!!

ಅಷ್ಟರಲ್ಲೇ ನಮ್ಮ ಮೇಡಮ್ 

ಒಳಗೆ ಬರುವಂತಾಗಿ 

ಯಾವುದೋ ಹೂವ ಗುಚ್ಛ

ಅವರ ಜಡೇಲಿ ತೂಗಿ

ನಿದ್ದೆಯಿಂದ ಎದ್ದೆ ನಾನು 

ಅದರ ಘಾಟು ತಾಗಿ 

ಘಾಟು ತಾಗಿ

ಆಗ ಶಾಲೆಯ ಗಂಟೆ 

ಅಂತು ಟಾಂಟನಣ!!

ಅವರ ಬೆಡಗ ಸೊಬಗು ಕಂಡು, 

ಅರಳಿತೆನ್ನ ಕಣ್ಣ

ಅವರ ದನಿಯ ಪಾಠ ಕೇಳಿ, 

ಗಮನ ಹುಟ್ಟಿತಣ್ಣ

ಅವರು ಡಿಕ್‌ಟೇಟ್ ಮಾಡಲಾಗಿ, 

ನೋಟ್ಸು ಬರೆದೆನಣ್ಣ

ನೋಟ್ಸು ಬರೆದೆನಣ್ಣ

ಮಧುವೆಯೆಂಬ ಪ್ರಹಸನ - ೨

ಅಪ್ಪ ಟಕ್ಮಾಡು ಅಂತ, ಅಮ್ಮ ತಲೆ ಬಾಚು ಅಂತ
ಅಕ್ಕ ಕ್ರೀಮ್ ಹಚ್ಕೊಂತ, ಬಾವ ಶೂ ಹಾಕು ಅಂತ
ಕಡೆಗೆ ಪ್ರದರ್ಶನದ ಗೊಂಬೆಯಂತಾಗಲು, ಹುಡುಗಿ ನೋಡಲುಹೋರಡುವುದೂ ಅಂತ
(ಅದಕ್ಕೆ ಹಿಂದೆ ಹೇಳಿದ್ದ್ರು ಕಾಗೆ ಮರಿ ಕಾಗೆಗೆ ಮುದ್ದು ಅಂತ)

ಅವರ ಮನೆಗೆ ಹೊರಡಲು ನೋಡುವರು ಶುಭ ಮುಹೂರ್ತ
ಗಾಡಿ ಹತ್ತಿಇಳಿಯುವವರೆಗೆ, ಪಾಲಿಸಬೇಕಾದ ಪರಿ ಪಾಠಗಳ ಭೋರ್ಗೆರೆತ
ಮನಸಿನಲ್ಲಿ ವಿಚಿತ್ರ ಅಭಿಪ್ರಾಯ ಆಲೋಚನೆಗಳ ಆರ್ತ ಮೊರೆತ

ಹಾಗೂ ಹೀಗೂ
ಬಂದು ಸೇರಲು ಹುಡುಗಿಯವರ ಮನೆಯ ಬಳಿ
ಎಲ್ಲರೂ ಇಳಿದ ಮೇಲೆ ಕಡೆಗೆ ಇಳಿಯುವುದೇ ನಮ್ಮ ಬಳುವಳಿ
ಅಲ್ಲಿ, ಇನ್ನೂ ಶುರು ಉಭಯ ಕುಶಲೋಪರಿಗಳ ಹಾವಳಿ

ಸುತ್ತ ಕುಕ್ಕುವ ಹತ್ತು ಕಣ್ಣ್ ನೋಟಗಳೋಡನೆ, ಮನೆಯೊಳಗೆ ಪ್ರವೇಶ
ಪೂರ್ವನಿಯೋಜಿತ ಆಸನದ ಮೇಲೆ ನಾವು ಕೂರಬೇಕೆಂಬ ಆದೇಶ
ಅಲ್ಲಿಂದ ಶುರು ಮನೆಯವರು ತೋರುವ ಉಪಚಾರಗಳ ವೀರಾವೇಶ

ಕುಡಿಯಲು ಕೊಡುವರು ಯಾವುದೋ ಒಂದು ಪಾನೀಯ
ಅದು ಕುಡಿಯುವ ಅಷ್ಟೂ ಹೊತ್ತು, ಅಲ್ಲಿ ರಸಪ್ರಶ್ನೆಗಳ ವಿನಿಮಯ
ಕುಡಿದ ಗ್ಲಾಸ್ ತೆಗೆದು ಅಣಿ ಮಾಡಿದರೆ, ಶುರುವೆಂದು ಪ್ರದರ್ಶನದ ಸಮಯ

ಕಾಲ್ಪನಿಕ
ಕೇಳುವ ಗೆಜ್ಜೆಯ ಸದ್ದಿಗೆ, ಎದೆಯಲ್ಲಿ ಕಂಪನ
ಸೇದಲು ಮಲ್ಲಿಗೆಯ ವಾಸನೆ, ಮನದಲಿ ಸ್ಪಂದನ
ಅವಳ ಬಗೆಗಿನ ಕೌತುಕ ನಮ್ಮಲ್ಲಿ ಮೂಡಿಸುವುದು ಸಿಂಚನ

ವೈಯ್ಯರದ ನಡುವಿರಲು, ನಾಚಿಕೆಯ ನಡಿಗೆಯಲಿ
ಸಿಂಗಾರದ ಗೊಂಬೆಯಂತೆ, ಬಂದು ಕೂರಲು ನಮ್ಮೆದುರಲಿ
ಕನಸು ನನಸಾಗ ಬಹುದೆಂದು ಮನವು ಮಿಡಿಯುವುದು ನಿರೀಕ್ಷೆಯಲಿ

ವಾಸ್ತವಿಕ
ಸರ್ರನೆ ತೆರೆದುಕೊಳ್ಳುವುದು ಒಂದು ಅಜ್ಞಾತ ಕದದ ಬಾಗಿಲು
ಅಜ್ಜಿಯೋ/ಅತ್ತೆಯೋ/ಅಕ್ಕನೋಡನೆಯೋ ಬಂದು ಎದುರಲಿ ಕೂರುವಳು
ನಾಚಿಕೆಯಲಿ ನೋಡಲವಳನು, ನೋಡುತಿರಲು ನನ್ನನೂ ಅವಳು

ಪರಿಹಾಸದ ಆ ಸನ್ನಿವೇಶದಿ ಮೂಡುತಿರಲು ವಿಚಿತ್ರ ಅನುಭವಗಳು
ನಮ್ಮ ಬಳಗದಿ, ಕೇಳಲೆಂದೇ ಕೇಳುವರು ಹಲವು ಕಿರಿಕಿರಿಯ ಪ್ರಶ್ನೆಗಳು
ಪ್ರತಿ ಉತ್ತರಕ್ಕೂ ಮನವ ಪ್ರಕ್ಷುಬ್ದವಾಗಿಸುವವು ನಿರೀಕ್ಷೆ ವಾಸ್ತವಗಳು

ನೋಡಿ, ನೋಡುದ್ರ ಎಂದು ಕೇಳುವರು ಹತ್ತು ಹಲವು ಭಾರೀ
(ಹುಡುಗಿಯರನ್ನು ನೋಡಿ) ಅಭ್ಯಾಸವಿದ್ದರು ತುಂಬಾ ಕಷ್ಟವೆನಿಸುವುದು ಈ ರೀತಿ ನೋಡೋ ಪರಿ
ಅನಿಸುವುದು ಈ ಸಂಕೋಚ, ಸಂಧಿಗ್ದ ಸ್ಥಿತಿಯಿಂದ ಯಾವಾಗ ಆಗೋಣ ಪರಾರಿ

ಇದೆಲ್ಲ ನೋಡಿ ಕೆಲವೊಮ್ಮೆ ಅನಿಸುತ್ತೆ,, ಲೊವ್ ಮ್ಯಾರೇಜ್ ಬೆಟರ್ ಅಂತ

ಅದರೆ ಅದರಲ್ಲಿ

     ಹುಡುಗಿನ ಬೀಳಿಸೊದು ಕಷ್ಟ

     ಬೀಳಿಸಿದ ಮೇಲೆ ನಷ್ಟ

     ಮುಂದಿನ ಭವಿಷ್ಯ ಅಸ್ಪಷ್ಟ

ಇದರಲ್ಲಿ

     ಹುಡುಗೀನ ಹುಡುಕೋದು ಸಾಹಸ

     ಮಧುವೆ ಅಗೋದು ಸಂಭ್ರಮ ಸಂತಸ
ಸಹ ಕುಟುಂಬ ಸಪರಿವಾರದ ಜತೆ ಆಜೀವ ಸಹವಾಸ

ನಿರೀಕ್ಷೆಯ ಕಗ್ಗ!!

ಮೂಕವಿಸ್ಮಿತ,

ಕಂಡು  ಆ  ವದನದಲಿ ಸ್ಮಿತಾ

ಅದ್ಭುತ,

ಆ ಕಣ್ಣುಗಳ ನೋಟದ ಸೆಳೆತ

ಎದೆಯಲ್ಲಿ ಕಚಗುಳಿ, 

ಮೂಡಲವಳ  ಗಲ್ಲದಲಿ ಗುಳಿ

ನಿಬ್ಬೆರಗು,

ಕಾಣಲವಳ ವಯ್ಯಾರದ ಬೆಡಗು

ಮಂತ್ರಮುಗ್ದ,

ಹೊರಡಲವಳ ಆನನದಿ ಪದ
ರೋಮಾಂಚನ
ಕಂಡು ಆ ಹುಬ್ಬುಗಳ ನಡುವಿನ ಚುಕ್ಕಿಯನ್ನ
ಮನಮೋಹಕ,
ಅವಳ ಅಲಂಕಾರದ ಚಿತ್ತಾರ ಲೋಕ
ಚೇತೋಹಾರಿ,
ಬಳಕುತ ನಡೆವಾಗ ಗೆಜ್ಜೆ ಸದ್ದಿನ ಪರಿ
ಹೃದಯಂಗಮ,
ನೋಡಲು ಆ ಬೆಕ್ಕಿನ ನಡಿಗೆಯ ಹಂಗಾಮ
ಮನೋಹರ,
ಇರಲು ಆ ಕೊರಳಲಿ ಯಾವುದೇ ಹಾರ

ಅಸಾಧಾರಣ,

ಚಂದಿದ್ದರು ಆ ಕೋಮಲೆ ನಿರಾಭರಣ

ಆಶ್ಚರ್ಯ,

ನೋಡಲು ಅವಳ ಔದಾರ್ಯ
ಕೌತುಕ, 
ಆಗಲು ಆ ಸುಂದರಿ ಭಾವುಕ
ಭಾವಪರವಶ ,
ಅವಳ ಉಸಿರು ಸೋಕಿ ಮೂಡಿದಾಗ ಸ್ಪರ್ಶ
ಹೊಂಗನಸು,
ಮೇಲಿನವೆಲ್ಲ ಆಗುವವರೆಗೂ ನನಸು

ಮೇಲಿನವು ಬರೀ ನಿರೀಕ್ಷೆ ಅಷ್ಟೇ!!
ನನ್ನನರಸಿ ಬರುವವಳು ಆಗದಿದ್ದರೂ ಮಿಂಚಿನಂತ ಬೆಡಗಿ
ನಮ್ಮನೆಯ ದೀಪ ಆರದಂತೆ ನೋಡಿಕೊಂಡರು ಸಾಕು, ನಮಗೆ ಒಗ್ಗಿ!!

ಮಧುವೆಯೆಂಬ ಪ್ರಹಸನ - ೧

ತಲುಪಿದರೆ ನಮ್ಮ ವಯಸ್ಸು ಇಪ್ಪತೈದರ ಆಸುಪಾಸು

ಮನೆಯವರು ಶುರುಹಚ್ಚುವರು ಮಧುವೆ ಮಾತಿನ ರೋಸು

ಒಂದು ಹುಡುಗೀಗೆ ಬಾಳು ಕೊಡುವಷ್ಟು ಪ್ರಬುದ್ಧನೋ? ಎನ್ನುವುದು ಮನಸ್ಸು!!

ಶುರುವಿಡಲು

ಒಂಬತ್ತು ಚೌಕಗಳ ಮನೆಯಲ್ಲಿ ಗ್ರಹಗಳ ಬಂಧಿಸಿ, ಬರೆಸುತ್ತಾರೆ ಕುಂಡಲಿ

ಅದನ್ನು ವೀರಾವೇಶದಿ ಹಂಚುತ್ತಾರೆ ಆತ್ಮೀಯ ಹತ್ತು ಹಲವರಲ್ಲಿ

ಕೆಲದಿನಗಳ ನಂತರ ಪ್ರತಿಯೊಬ್ಬರು ಕೇಳುತ್ತಾರೆ ಇದರ ಬಗ್ಗೆ ಕಂಡ ಕಂಡಲ್ಲಿ!!

ಮುಂದೆ

ಹಂಚಲು ಬೇಕೆನ್ನುತಾರೆ ನಮ್ಮ ಛಾಯಚಿತ್ರ

ಇದಕ್ಕೆಂದೇ ತೆಗೆಯುತ್ತಾರೆ ಹತ್ತಾರು ಭಂಗಿ ಆಂಗಿಯಲ್ಲಿ, ಚಿತ್ರ ವಿಚಿತ್ರ

ಅಲ್ಲಿಗೆ ಶುರು, ಮಾತಾಡ್ದೆ ಒಪ್ಪಿಕೊಳ್ಳುವ ನಮ್ಮ ಮೂಖಿ ಪಾತ್ರ!!

ತರಿಸುವರು ಹತ್ತಾರು ಜಾಥಕಗಳು, ಹಲವು ರೀತಿ

ಅದರಲ್ಲಿ ಸುಮಾರು ಹೊಂದಿಕೆಯಾಗದು ನೋಡಿದ ಮೇಲೆ ರಾಶಿ, ನಕ್ಷತ್ರ ಗ್ರಹಗತಿ

ಇದು ಮನೆಯವರಿಗೆ ಪಜೀತಿ, ಆದರೆ ನಮಗೆ ಬಿಡುವಿನ ರಿಯಾಯಿತಿ!!

ಪ್ರಯತ್ನಗಳ ನಂತರ ಹೊಂದುವುದು ಯಾವುದೋ ಒಂದು

ತೋರಿಸುವರು ಅವರ ಛಾಯಾ ಚಿತ್ರವನ್ನು ತಂದು

ನಮ್ಮ ಅಭಿರುಚಿಯೇ ಅರ್ಥವಾಗದೆ ಸಂಧಿಗ್ದದಲ್ಲಿ ಸಿಲುಕುವೆವು ಅಂದು!!

ಗುಣ ಮುಖ್ಯವೆಂದರು, ಫೋಟೋದಲ್ಲಿನ ಮುಖ ನೋಡಿಯೇ ಒಪ್ಪುವರು

ಮನೆತನದ ವಿಷಯ ಜಾಲಾಡಿ, ಅಭಿಪ್ರಾಯ ನಿರ್ಧರಿಸುವರು

ಎಲ್ಲ ಮೆಚ್ಚುವಂತಿದ್ದರೆ, ಮನೆಗೆ ಬರುವೆವೆಂದು ಅವರಿಗೆ ತಿಳುಸುವರು!!

ಕೆಲವೇ ಸಾಲುಗಳಲ್ಲಿ ಇಲ್ಲಿವರೆಗೂ ಬಂದಿದೀವಿ ಆದ್ರೆ real ಆಗಿ ಈ level ಗೆ ಬರೋದು ಒಂದು ಪ್ರಹಸನವೇ ಸರಿ
ಇದೇನಿದೆ ಆ ಹುಡುಗಿ ನೋಡೋ ವಿಷ್ಯ ಇನ್ನೂ ಕ್ಲಿಷ್ಟ ಹಾಗೂ ಸ್ವಾರಸ್ಯಕರ,, ಅದು ಮುಂದಿನ ಭಾಗದಲ್ಲಿ

--ಸಂತ

    

ಜಾಲಿಬಾರು!!!

ಜಾಲಿ ಬಾರಿನಲ್ಲಿ ಕೂತು, ಅವನು ಅವಳು ಕುರ್ಚಿಗಾತು
ಆಡುತಿದ್ರು ಪೋಲಿ ಮಾತು, ಮಂದಿ ನಾಚುತಿದ್ದರು
ಅವಳ ಮೊಬೈಲ್ ಕ್ಯಾಮ್ರ ಎತ್ತಿ, ಅವರ ಜೋಡಿ ಫೋಟೋ ಒತ್ತಿ
ಫೇಸೆಬುಕ್‌ನಲ್ಲಿ ಟ್ಯಾಗ್ ಮಾಡಿ, ಸುಮ್ಮನೊಮ್ಮೆ ನಕ್ಕಳು

ಅವನ ಜೇಬಿಗೆ ಕೈಯ ಹಾಕಿ, ಒಂದು ಸಿಗರಟೆ ಹೊರಗೆ ಹೆಕ್ಕಿ
ಕಡ್ಡಿ ತೀಡಿ ಕಿಡಿಯು ಹತ್ತಿ , ಹಮ್ಮನೊಗೆಯ ಬಿಟ್ಟಳು
ಅವಳ ಕುರುಲು ಜಾರಲಾಗ, ಅವನು ಸರೆಸಲದನು ಬದಿಗೆ
ಸೆಳೆಯೊ ನೋಟ ಬೀರಲವಳು, ಅವನ ಆಸೆ ಹೆಚ್ಚಿತು

ಕರೆಯುತಿರಲು ಅವನು ಅವಳು, ಮೇಜಿನೆಡೆಗೆ ಸರ್ವರ್ ಬರಲು
ಎಣ್ಣೆ ತಾರೋಆಣ್ನ ಎನಲು, ತರಲು ಒಳಗೆ ಹೊರಟನು
ಅವಳ ಕೆನ್ನೆ ಕೈಯಲ್ಲಿಡಿದು, ತುಟಿಗೆ ತುಟಿಯ ಚುಂಬಿಸಿರಲು
ಎಣ್ಣೆ ತಂದ ಸರ್ವರ್ನಾಚಿ, ಮುಖವ ಮುಚ್ಚಿಕೊಂಡನು

ವೋಡ್ಕಾದೊಡನೆ  ಸೋಡಾ ಸೇರಿ, ಅವನಿಗೊಂದು ಚಿಯರ್ಸ್ ಹೇಳಿ
ತುಟಿಯ ನಡುವೆ ಗ್ಲಾಸನೊತ್ತಿ, ಒಮ್ಮೆ ತನ್ಮಯಳಾದಳು
ತಮಗೆ ಅರಿವೇ ಇಲ್ಲ ಕೊಂಚ, ಪಾನಸೇರಿ ಕಂಠದಂಚ
ನಶೆಯು ಏರುತಿರಲು ಅವಗೆ,  ಬಾನುಭೂಮಿ  ಅದಲು ಬದಲು
                                                                                   -- ಸಂತ 

Based on

ತೂಗುಮಂಚ

ತೂಗುಮಂಚದಲ್ಲಿ ಕೂತು ಮೇಘಶ್ಯಾಮ ರಾಧೆಗಾತು

ಆಡುತಿಹನು ಏನೋ ಮಾತು ರಾಧೆ ನಾಚುತಿದ್ದಳು |

ಸೆರಗ ಬೆರಳಿನಲ್ಲಿ ಸುತ್ತಿ ಜಡೆಯ ತುದಿಯ ಕೆನ್ನೆಗೊತ್ತಿ 

ಜುಮ್ಮುಗುಡುವ ಮುಖವನೆತ್ತಿ ಕಣ್ಣ ಮುಚ್ಚುತಿದ್ದಳು ||

ಮುಖವ ಎದೆಯ ನಡುವೆ ಒತ್ತಿ ತೋಳಿನಿಂದ ಕೊರಳ ಸುತ್ತಿ 

ತುಟಿಯು ತೀಡಿ ಬೆಂಕಿ ಹೊತ್ತಿ ಹಮ್ಮನುಸಿರ ಬಿಟ್ಟಳು |

ಸೆರಗು ಜಾರುತಿರಲು ಕೆಳಗೆ ಬಾನುಭೂಮಿ ಮೇಲು ಕೆಳಗೆ 

ಅದುರುತಿರುವ ಅಧರಗಳಿಗೆ ಬೆಳ್ಳಿಹಾಲ ಬಟ್ಟಲು ||

ಚಾಚುತಿರಲು ಅರಳಿಗರಳು ಯಮುನೆಯೆಡೆಗೆ ಚಂದ್ರ ಬರಲು 

ಮೇಲೆ ತಾರೆಗಣ್ಣ ಹೊರಳು ಹಾಯಿದೋಣಿ ತೆಲಿತೋ 

ತನಗೆ ತಾನೇ ತೂಗುಮಂಚ ತಾಗುತಿತ್ತು ದೂರದಂಚ 

ತೆಗೆಯೋ ಗರುಡ ನಿನ್ನ ಚುಂಚ ಹಾಲುಗಡಿಗೆ ಹೇಳಿತು ||

                                                                          - ಹೆಚ್. ಎಸ್. ವೆಂಕಟೇಶ ಮೂರ್ತಿ 

ಅವಳ ಮಧುವೆ!!

ಆರ್ತನಾದದಿ ಮೊಳಗುತ್ತಿತ್ತು ನನ್ನ ದೂರವಾಣಿ,
ತುಂಬಾ ದಿನದ ನಂತರ ಕರೆ ಮಾಡಿದ್ಲು ನನ್ನ ಕನಸಿನ ರಾಣಿ,
ಅವಳಂದಳು - ನನ್ನ ಮಧುವೆ, Please "Come , ಬನ್ನಿ"
ಅದ ಕೇಳಿದ ನನ್ನ, ಕಣ್ಣಲ್ಲಿ "ಕಂಬನಿ"

ಇದರ ಮುಂದಿನ ಭಾಗ ...... 

ಅಚಾನಕ್ಕಾಗಿ ಎದುರಾದಾಗ ನಾವು, ಅವಳು ಬೀರಿದಳು ಮಂದಹಾಸ

ಅಂದು ನಮ್ಮ ಪ್ರೇಮಾಂಕುರದ ದಿನ

ನಾನಿಂತಿರುವೆ ಗೆಸ್ಟ್ ಸಾಲಿನಲಿ ಈಗ , ಅವಳ ರಿಸೆಪ್ಶನ್ ಎಂಬ ಪರಿಹಾಸ

ಇಂದು ನಮ್ಮ ಪ್ರೇಮಾಂತ್ಯದ ದಿನ

ಆಡುತ ಆದ ಗಾಯಕ್ಕೆ, ಅಂದು ಕಟ್ಟಿದೆ ಅವಳ ಹಣೆಗೆ ಗಾಯದ ಪಟ್ಟಿ

ಅದು ನಮ್ಮ ಬಾಂಧವ್ಯದ ಗುರುತು

ಹಸೆಮಣೆಯ ಮೇಲೆ ಕೂತವಳ ಹಣೆಯಲ್ಲಿ ಮಿಂಚುತಿದೆ ಬಾಸಿಂಗದ ಪಟ್ಟಿ

ಇಂದು ನಮ್ಮ ಬಾಂಧವ್ಯ ಅಲ್ಪವಸ್ತು

ಮಳೆ ಸುರಿಯುವ ಇರುಳಲಿ ನನ್ನ ಕೊಡೆಯಡಿಯಲ್ಲಿಯೇ ನಡೆದಿದ್ದೆವು ಒಂದಾಗಿ

ಅಂದದು ನಮ್ಮ ಒಲುಮೆಯ ಸಂಕೇತ

ಭವ್ಯ ಮಂಟಪದಡಿಯಲ್ಲಿ ಅಗ್ನಿಕುಂಡ ಸುತ್ತುತಿರುವಳು ಇನ್ನೋರ್ವನ ಜತೆ ಚಂದಾಗಿ

ಇಂದು ನನ್ನ ಒಲುಮೆಗೆ ಆಘಾತ

ಕಾಲೇಜು ಕಾರ್ಯಕ್ರಮದ ರ್‍ಯಾಂಪಿನ ಮೇಲೆ, ನನ್ನ ಕೈಹಿಡಿದು ಹೆಜ್ಜೆಹಾಕಿದ್ದಳು ನಾಚುತ ಅಂದು
ಅದು ನಮ್ಮ ಆತ್ಮೀಯತೆಯ ಪ್ರದರ್ಶನ
ಅವನು ಅವಳ ಹೆಬ್ಬೆಟಿಡಿದು ಸಪ್ತಪದಿಗೆ ಕರೆಯಲು, ಹೆಜ್ಜೆ ಹಾಕುತಿರುವಳು ನಗುತ ಇಂದು
ಇದು ನಮ್ಮ ಆತ್ಮೀಯತೆಗೆ ತಿಲಾಂಜನ

ಅಂದು ರಾತ್ರಿ, ಅಗಣಿತ ತಾರೆಗಳ ನಡುವೆ ತೋರಿಸಲು "ಅರುಂದತಿ", ಕಂಡಿಲ್ಲವೆಂದು ರೇಗಿಸಿದ್ದಳು
ಅದು ನಮ್ಮ ಸಲುಗೆಯ ಸಲ್ಲಾಪ
ಇಂದು ಸೂರ್ಯನ ಬೆಳಕಲಿ ಮನ ತೋಚಿದೆಡೆ ಕೈ ತೋರಲವನು, ಕಂಡಿತೆಂದು ತಲೆಯಾಡಿಸುತಿರುವಳು
ಇದು ನನ್ನ ಸುಲಿಗೆಯ ಕಲಾಪ

ಇಂದು ಅವಳಿಗೆ ಬಿತ್ತು ಮೂರು ಗಂಟು
ಆ ನಿಮಿಷದಲ್ಲೇ ಮುಗಿಯಿತು ನನ್ನ ಅವಳ ನಂಟು
ಅವರ ಕತ್ತಲಿ ವಿರಮಿಸುತ್ತಿದೆ ಹೂವಿನ ಹಾರ
ನನ್ನ ಮನವ ಕುಗ್ಗಿಸುತ್ತಿದೆ ದುಗುಡ ಭಾರ
ಅರ್ಥವಾಗಲೇ ಇಲ್ಲ ಅವಳಿಗೆ ನನ್ನ ಪ್ರೀತಿಯ ನಿವೇಧನೆ
ಇನ್ನೂ ನನ್ನ ಪಾಲಿಗೆ ಅವಳು ಇನಿಲ್ಲವೆಂಬ ವೇಧನೆ

ನನ್ನ ಕಲ್ಪನೆ, ಈ ಕೆತ್ತನೆ --- ಸಂತ

ಹಸಿರು

ಹಸಿರು ನಿನ್ನದು ಉಸಿರು ನಿನ್ನದು

ಎನ್ನ ಜೀವನ ಕಣವು ನಿನ್ನದು

ನಾನು ನಿನ್ನವನೆಂಬ ಹೆಮ್ಮೆಯ

ಋಣವು ಮಾತ್ರವೇ ನನ್ನದು

ನೀನು ಉಳಿದರೆ ನಾನು ಉಳೀವೆನು

ನೀನು ಬೆಳೆದರೆ ನಾನು ಬೆಳೆವೆನು

ನಿನ್ನ ಹರಣದಿ ಹರಣ ನನ್ನದು

ನಿನ್ನ ಮರಣದಿ ಮರಣವು

ನನ್ನ ಉಳಿವಿಗೆ ನೀನೇ ಶಕ್ತಿ

ನನ್ನ ಹೃದಯದಿ ನಿನಗೆ ಭಕ್ತಿ

ನೀನೇ ಮಾಯಾ ಮೋಹಾಷಕ್ತಿಯು

ನನ್ನ ಜೀವನ ಮುಕ್ತಿಯು